Mugi-mugi urang salaku umatna ogé menangkeun syafa'at ti mantenna. Amin yaa robbal alamin.
Bapa ibu, sadérék, réréncangan anu ku simabdi dipihormat.
Urang terang, yén Nabi Muhammad téh nyaéta nami ti nabi urang saréréa. Muhammad ngagaduhan hiji hartos dina basa arab, muhammad nyaéta isim maf'ul anu ngagaduhan harti nyéta jalmi anu dipuji.
Dina jaman kapungkur mah sateuacan datang Rasulluloh saw téh, tacan pernah aya jalmi anu ngagaduhan nami muhammad.
Jadi nabi Muhammad SAW nyaéta jalmi hiji-hijina anu ngagaduhan nami kasebat.
Sadérék rahimakumulloh.
Muhammad hartina jalmi anu dipuji, margi saleresna emang Nabi Muhammad SAW jalmi anu sok dipupuji ku jalmi, sadaya mahluk sarta Alloh SWT ogé ngiring muji ka Nabi Muhammad saw, nu hartina masihan rahmat sarta keridhoan ka anjeunna.
Nah, sedengkeun lamun urang mah sok maca sholawat téh saban wanci, sala sahijina sabot tasyahud dina solat.