Network
Baca Juga: Boboko, Wadah Nasi Khas Sunda yang Penuh Filosofi. “Isi dan Cangkang Harus Sesuai”
Berikut puisi atau sajak Sunda, Jante Arkidam yang akan dilombakan dalam Pasanggiri Maca Sajak Singrancage Piala Ajip Rosidi 2023:
JANTÉ ARKIDAM
Sajak Ajip Rosidi
Panonna beureum siki saga
Leungeunna seukeut lalancip gobang
Niplasan badan dahan gedang
Arkidam, Janté Arkidam
Di pangaduan di kalangan ronggéng
Ngan hiji jagoan
Arkidam, Janté Arkidam
Ti peuting angkeub ku mendung
Janté raja alam peteng
Matek aji panarawangan
Manjing ka liang sasoroting sinar
Jariji beusi pakgadé miley ku ramona
Ti peuting ngadalingding wangi
Janté raja dina tayuban
Ngagakgak seuri ngibingan ronggéng
’Mantri pulisi, ngalieuk ka ieu!
Bantingkeun kartu bantingkeun dadu!
Wadana, ulah nundutan di dinya!
Urang ngibing jeung kula, Janté Arkidam!’
Silih teuteup
wadana jeung mantri pulisi:
’Janté, Janté Arkidam
Ngabongkar pakgadé peuting tadi
Ayeuna makalangan di nu tayuban!’
’Enya, kula Janté Arkidam
Sing saha nu wani maju rék ditigas
Leungeun kula lalancip pedang!’
